யானையுடன் மோதிய பஸ் - 7 பயணிகள் காயம்

ஹபரண பகுதியில் யானையொன்று பஸ்ஸூடன் மோதியதில் 7 பேர் காயமடைந்துள்ளனர். பொலனறுவையில் இருந்து கொழும்பு நோக்கிப் பயணித்துக் கொண்டிருந்த தனியார் பஸ் ஒன்றே இவ்வாறு விபத்திற்குள்ளாகியுள்ளதாக பொலிஸார் கூறினர். நேற்றிரவு 8 மணியளவில் இந்த விபத்து இடம்பெற்றுள்ளது.

யானை மீது மோதிய பஸ் வீதியை விட்டு விலகி விபத்திற்குள்ளாகியுள்ளது. இந்த விபத்தில் காயமடைந்தவர்கள் ஹபரண மற்றும் தம்புள்ளை வைத்தியசாலைகளில் சிகிச்சைபெற்று வருவதாக பொலிஸார் குறிப்பிட்டனர். NF